E.F.F. Rosalia Escola de Fútbol Feminino
Numerosos afeccioados, familiares e simpatizantes déronse cita no Campo da feira de Ourense, onde houbo oferta gastronómica, xogos para @s máis pequen@s e actuacións musicais.
A I Romaría da Escola de Fútbol Feminina Rosalía, organizada pola directiva coa colaboración de Ociosaugal, desenvolveuse o pasado domingo con gran éxito de público. As instalacións municipais do Campo da feira foron o escenario elixido, onde moitos afeccionados, familiares, simpatizantes e xogadoras déronse cita para aproveitar unha xornada lúdica e diferente.
Música, a cargo do grupo Tres porkiños, mesas para comer e beber e unha interesante oferta para os máis pequenos foron os pratos fortes desta nova iniciativa, que non dubidaron en organizar os membros da directiva do club. O fin de festa da tempada, en forma de ‘Romaría’ será, desde esta campaña, o banderazo final a cada tempada.
Tampouco podían faltar os premios, nesta primeira edición repartíronse os seguintes:
· Mellor afección: Equipo Infantil.
· Colaboración desinteresada: Ainara Tena (Xogadora do Cadete) e Virgina (nai de Rocío).
· Pin de prata: Ganadería JPD, pola sua implicación máis aló do patrocinio e Cristian Otero, pola sua labor entre bambalinas.
Tamén foron agasalladas as tres xogadoras dos equipos Promesas que teñen que deixar o club este ano por motivos familiares.
Desde a directiva desexan que sexa a primeira de moitas tras o éxito de asistencia desta primeira edición.
